حـوسة الحريم اذا قالو فيه عرس

لما تجيك دعوة الى حضور حفل زفاف لأحد الاشخاص

فإن الحريم في المنزل يعلنون حالة الطوارئ في اليوم الموعود

فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

*******************

ثم يهبون الى غرفة العمليات

مايخلون مراية في حالها ..

** فتلقى منيرة عند مراية التسريحة تتمكيج

** وخلود عند مراية الدولاب تستشور شعرها

** ورقية عند مراية المدخل حق البيت تركب عدساتها

** وفاطمة محتارة أي فستان تلبس

وكل ما اختاروا لها فستان .. قالت : لا .. قد شافوه عليّ

** ورغد تترجى اخوها : تكفى ود فستاني للمغسلة

وقول لهم يخلونه مستعجل

** وابتسام متوهقة مالقت الحلق اللي يناسب لون فستانها

** وشوق تقول لاخوها : تكفى مر على جارتنا

وخذ من عندها الاكسسوار التفاحي

** وهنوف .. انفرط سحاب فستانها .. وتبي الخياط يصلحه

<<< والله من السمنة الزايدة

*****************

وصجة .. ولجة .. وحوسة ...

وكلهم في سباق مع الزمن ..

( طبعا ياعيني عالرجال .. ثوب وشماغ .. وانتهت السالفة )

************************************

بعد ذلك .. يركبون السيارة بعد ما بح صوت ابوهم

وهو يناديهم ..

** والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت<<<ويعصب ويقول وراي مبارات ((الهلال-النصر))

********************

وبعد عناء طويل يصلون الى القصر ويدخلون

******************

ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي

**********************

ثم يتوافدون الى المسرح .. وشف الرقص كيف

** اللي تحط رجلها من شرق المسرح الى غربه

ولا احد يدري اش بلاها

**********

** واللي تهز وهي واقفة مكانها بركاااادة .. وعلى بالها أنوثة ..

******************

وتعال شفهم اذا غنت الطقاقة .. ( يالتكسي )

وقالت : خذ يمين و بعد يمين ..

تلقا الحريم فعلا ماخذين اللفة يمين في يمين

<<< طبعا من غشامتهم .. يتصاقعون في بعض

************

والوحدة فيهم بتتشقق من الفرحه اذا جت الطقاقة بجنبها

وقالت : يا احمر يا احمر .. عاشو .. على قلبي

<< طبعا الافندية فستانها احمر ..

*****************

** وتلقا ثنتين هناك يرقصون نفس رقص العراقيات في عرب شمّر

وطبعا العجايز منصدمات .. ومافيه الا قوة دعاوي على هالبنات

**************

** واذا جت اغنية مصرية ..

تلقا الاغنية والايقاع في وادي .. والرقص في وادٍ آخر

الا من رحم الله ..

<< واللي تعرف ترقص مصري .. تلقى البنات يتشحذونها تقوم

وهي ترفض ..
طبعا من حقها .. تخاف يصكونها بعين على كيفك

واذا جت الزفـه قالوا البنات هااااه حلو المعرس (ايـــه)يهبل
يؤيؤيؤ ما شفته زين

***********

والوناسة اذا قالت الطقاقة : ( شـــوط خاص لاهل العروس )

تلقاهم يستلجون اذا قالت : ( كل آل " فلان " خيّالة )

<<< وهم في الحقيقة .. لم يركبوا حصاناً قط ..

بس يالله لزوم المدح

واذا جاء وقت الطلعه للبيت <<يؤيؤيؤيؤ يمه مانبي نروح البيت ما فيه احد راح خلينا نجلس شوي

<<<<<وتوافق الام بعد ما نشبوا في بلاعيم بلعومها

مشكورة ع الموضوع المضحك

هههههههههههه حلو